Fratres carissimi
Non solum propter
tres canonizationes ad hoc Consistorium vos convocavi, sed etiam ut
vobis decisionem magni momenti pro Ecclesiae vitae communicem.
Conscientia
mea iterum atque iterum coram Deo explorata ad cognitionem certam
perveni vires meas ingravescente aetate non iam aptas esse ad munus
Petrinum aeque administrandum.
Bene conscius sum hoc munus secundum
suam essentiam spiritualem non solum agendo et loquendo exsequi debere,
sed non minus patiendo et orando. Attamen in mundo nostri temporis
rapidis mutationibus subiecto et quaestionibus magni ponderis pro vita
fidei perturbato ad navem Sancti Petri gubernandam et ad annuntiandum
Evangelium etiam vigor quidam corporis et animae necessarius est, qui
ultimis mensibus in me modo tali minuitur, ut incapacitatem meam ad
ministerium mihi commissum bene administrandum agnoscere debeam.
Quapropter bene conscius ponderis huius actus plena libertate declaro me
ministerio Episcopi Romae, Successoris Sancti Petri, mihi per manus
Cardinalium die 19 aprilis MMV commissum renuntiare ita ut a die 28
februarii MMXIII, hora 29, sedes Romae, sedes Sancti Petri vacet et
Conclave ad eligendum novum Summum Pontificem ab his quibus competit
convocandum esse.
Fratres carissimi, ex toto corde gratias ago vobis
pro omni amore et labore, quo mecum pondus ministerii mei portastis et
veniam peto pro omnibus defectibus meis. Nunc autem Sanctam Dei
Ecclesiam curae Summi eius Pastoris, Domini nostri Iesu Christi
confidimus sanctamque eius Matrem Mariam imploramus, ut patribus
Cardinalibus in eligendo novo Summo Pontifice materna sua bonitate
assistat. Quod ad me attinet etiam in futuro vita orationi dedicata
Sanctae Ecclesiae Dei toto ex corde servire velim.
Benedictus pp. XVI
1 commento:
"In uno stupendo commento ai salmi, sant’Agostino - un padre della chiesa tra i più amati da Benedetto XVI - leggiamo: «Si dice che quando i cervi migrano in gruppo o si dirigono verso nuove terre, appoggiano il peso delle loro teste scambievolmente gli uni sugli altri, in modo che uno va avanti e quello che segue appoggia su di esso la sua testa... quello che sta in testa sopporta da solo il peso di un altro, quando poi è stanco passa in coda, giacché al suo posto va un altro a portare il peso che prima portava lui e così si riposa dalla sua stanchezza, poggiando la sua testa come la poggiano gli altri” (Commento al Salmo 41)"
Enzo Bianchi su La Stampa
myrra
Posta un commento